Stacy VL Muanpuii : Debut studio album buaipui mek, a hla thar teaser ti chhuak tawh

Hun rei tak chhung chu a music video kan hmuh tawh loh hnuah, kumin chhungin a single music video a ti chhuak zauh zauh a. Mahse, heti mai hian duhtawk a ngah dawn loh hmel. Stacy VL Muanpuii chuan album a khawrpum chhoh tan a tum ve ta.Hun rei tak chhung chu a music video kan hmuh tawh loh hnuah, kumin chhungin a single music video a ti chhuak zauh zauh a. Mahse, heti mai hian duhtawk a ngah dawn loh hmel. Stacy VL Muanpuii chuan album a khawrpum chhoh tan a tum ve ta.

‘4 Days Late’ singer Stacy VL Muanpuii hian a release hun tur tak tur chu la ruahman fel lo mah se, nakkum khian debut LP tihchhuah tumin hma a la a. West Phaileng-a KTP General Conference hun bawr velah ngaihthlak theih turin a peihfel hman mai thei bawk.

Stacy hian album track tur pawh a nei nual tawh a. Chu’ng zingah chuan a album track tur mai piah lamah, a sak tur bik liau liaua phuah te pawh a tel dawn a. Gospel singer Andrew Laltlankima hla phuah bakah, Incarnation vocalist hlui Lungmuana Chhangte hla phuah — Kan Hneh Zel Dawn — tih hla pawh dah tel a tum bawk.

‘Kan Hneh Zel Dawn’ hla bik phei chu music video-ah chantir tawhin, a peih fel tep tawh a. A social media account pakhat — Instagram — ah phei chuan a music video teaser hi a pho chhuak tawh a. ‘Coming Soon’ a inti kalh mai!

Synod Choir member hlui Stacy hian Andrew Laltlankima hla phuah pawh dan tel a tum thu pawh a Instagram-ah chuan a share a. Chu hla chu — Thlen Ka Nghakhlel — tih a ni. “Pathianin rem a tih chuan, album siamte ka han tum chho ve a. He hla bik hi ka album kan buatsaih mek puala Andrew Laltlankima phuah a ni. Keima sak tur liau liaua buatsaih anih hi ka vawi khat tawnna a ni a, a hluin ka lawm em em a ni,” tiin caption a siam bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?