Study group rawtna zingah zu chhiah lut zu dolet nana hman tel. Zu chhiah – Re 1 lutah Rs 2.85 chawi; Zu khap burin nghawng chhia nei

Aizawl:MLPC Act Study Group chuan zu zirchianna chu peihfel tawhin Mizoramin zu atanga Re 1 a hmuh apiangin Rs 2.85 a hloh zel niin indication a awm thu tarlan a ni a. Hetih lai hian rawtna an thlen zingah zu atanga chhiah hmuh chu zuin a tihchhiat siam that nana hman tel bawkin zu khap bur chuan nghawng chhe tak a neih thu tarlan a ni bawk.

Study group-in an zir dan: Zuin a chhia a thaa nghawng a neih dan ‘Social cost benefit analysis’ hi sector 10-ah then niin hetiang hian then a ni. 1) Zu in thinte (consumer): traffic accidents, tharum thawh, hnathawh tihthuanawp dan, a hun hmaa thi; 2) Retail: hna a siam dan leh thil dangte; 3) Chhiah: Taxes and duties; 4) Healthcare: zu vanga natna, zu in vanga natna pumpelh; 5) Zirna: Zirna chawlhsan, tihkhawtlai; 6) Police, justice: police sum leh tha sen, judicial cost; 7) Public authority: zu that loh inhrilhhriatna, enforcement lam insenna; 8) Kohhran leh khawtlang: Kohhran, YMA, NGO te insenna eg. camping, duty etc.; 9) Chhungkua etc: Tharum thawhna, inrikrapna, nunna hloh, inchhungkhur nun a tihchhiat, hnathawk thei lo mi mal/chhungkua leh 10) Kaihhnawih dangte: HIV/AIDS, Nawhchizuar, drugs etc.

Rawtna Thla 11 dawn MLPC Study group-ten data lakhawma an zir hnuah sawrkar hnenah rawtna  an thlen a. “Social cost benefit analysis ratio chu 1:2.85 a nih avangin thlirna pakhat atang chuan zu hi khap bur âwm a ni a. Hetiang tur chuan sawrkar, health sector, NGOs leh Kohhran te an inthurual a ngai a. Khap bur hian a thil chhe tak tak zu tawlh ruk, dana intluktlan lohna, economic leh social class inthliarna hluar a thlena, etc. Chhiah leh thil dangte atangin sum lut tur a awm lo bawk ang,” tiin zu khap bur rawtnaah chuan tarlan a ni.

Khuahkhirna hnuaia zu zawrh chu rawtna dang ni bawkin demand reduction a awm theih nan zua buai leh hriselna  tha lote chu a hma thei ang bera screening neih thina enkawl te, zu in theih kum bithliah tihsanin zu vanga buaina a thlen tlem tih pawm a nih avangin hetiang hman ve te, zu in taksa a tihchhiat dan awareness a tlem avangin he lama nasa taka tan lak a tul tur thute tarlan a ni. Hemi rawtna hnuaiah hian Study Group chuan alchohol control fund neih a rawt bawk a, zu leh a kaihhnawiha sum lutte chu zuin a tihchhiat kawng hrang hmanga siam that nana hman a rawt bawk a ni. Hetiang alchohol programme hi UK, USA, Scotland, Australia leh ram dangteah pawh hman mek an nih thu tarlan a ni bawk. Legal intervention hmanga hmalakna tur rawtna thahnem tak siam a ni bawk a ni.

Zu khap bur leh khuahkhirhna hnuaia zu zawrh hi a tak ramah chuan a hlawhltin hleih theih loh fo avangin free sale chu rawtnaa dah a ni bawk a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?