Synod Bookroom sum hmuh tam ber kum

Aizawl; Synod Bookroom chuan kum tina an tih thin angin vawiin khan Synod Office Devotion Room-ah Synod Bookroom Distributors Meet 2018 an hmang a. He hunah hian report peka a tar lan a nih dan chuan kumin hi Synod Bookroom din a nih atanga sum thawh chhuah tam ber kum a ni a, Rs. 14,92,30,477/- zet an thawk chhuak a ni.

Meet hi Lalhruaitluanga Ralte, General Manager, Prescom-in hawngin inlawmna thu a sawi a. Rosy Lalhmingmawii, Prescom Department sum enkawltu chuan bookroom pum pui sum dinhmun report a pe a, budget Rs. 9,49,50,000/- chu tha taka khumin Rs. 14,92,30,477/- zet an thawhchhuah thu a sawi a. Hei hi kum 1911-a Synod Bookroom din a nih atangin kum khata thawh chhuah tam ber tum nih thu a sawi a. Budget an khumna ringawt pawh hi Rs. 5,42,80,477/- zet niin Net Profit Rs. 2,17,74,447/- lai an nei a ni.

Chawhnu lamah Lalniliana, Bookroom Manager-in inkhawm kaihruaiin Synod Bookroom Distributor hrang hrang report leh rawtnate sawiho a ni a. Synod Bookroom Distributor tha thlanna result puan leh lawmman sem a ni a, kum 2017 chhunga Distributor tha ber chu Synod Bookroom Sihphir Distributor niin Certificate leh Rs. 1,000/- hlan a ni a. Synod Bookroom Zemabawk Distributor (Certificate leh Rs. 700/-) leh Synod Bookroom Ngopa Distributor (Certificate + Rs. 500/-) ten an dawt a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?