Synod Choir 2018-20 hlan

Aizawl: Synod Choir 2018-2020 atana member turte chu Zirtawpni zan khan Synod Moderator Rev. F.Lalrinnunga’n Pathian hnenah hlan a. Synod Choir member tharte hlanna hun hi Synod Conference Centre-ah hman a ni a, Upa Rosangliana, CKTP Asst. Leader-in kaihruaiin T.Upa Rochungnunga, CKTP General Secretary chuan inhmelhriattirna hun hmangin, Dr. David C.Vanlalfakawma, Synod Choir Director chuan thu a sawi.

Synod Moderator, Rev. F. Lalrinnunga’n Pathian hnena a hlan hnuin CKTP Leader Rev. Dr. K.Lallawmzualan thuchah a sawi. Synod Choir-ah hian, Conductor telin member 25 an awm a, part tinah member paruk zel an awm a, Conductor thar hi T.Laldintluanga, Ramhlun North Bial a ni a. Kum 2016-2018-a Synod Choir-a loawm tawh zingah mi 10 chu tun term-ah hian an awm zui leh dawn a ni.

Synod Choir member thar lak dawn hian CKTP chuan Gen. Secretary kaihhruai Search Committeea a din a, anni hian Aizawl khawpui chhung Pastor Bial hrang hranga Bial hruaitute leh Bial Zaipawl conductor-te an rawn a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?