Synod Executive Committee

Aizawl;?Ni thum awh, Mizoram Synod hnuaia rorelna sang, Synod Executive Committee chu Thawhlehni atang khan Synod Office a Lloyd Hall-ah an thu an thu a, Ningani khan an zo.

Meeting hi Synod Moderator Rev. Lalzuithanga’n a kaihruai a, Synod Secretary Rev. Lianhmingthanga Sailo-in report a pe a. Shillong Mizo Kohhran leh Shillong Baptist Kohhranten Biak In chungchanga inremna thuthlung an siam tawh a, kum 2018-a MLA inthlan lo awm tur puala ram pum huap beihpui neih mek a nih thu te, Manipuri Presbyterian Church enkawl zui zel dan tur ruahman mek a nih thute tar lan a ni.

Synod 2016-in a phal angin Synod Hospital-a Doctor 8-ten June 2017 atanga Limited Private Practice an neih tan thu te, Kohhranhote nena inhriatpawhtawnna tha a awm theih nana Synod Hospital-a doctor 25-te Presbytery Inkhawmpui hmun 9-a an kal thu te, Synod Hospital-ah Dental Unit chu kum thum chhung atan Out-Sourcing anga kalpuia nih rih tur thu te pawh tarlan a ni a. Tedim Synod ten tuilian an tuar avangin Rs. 2,50,000/- a tanpui a nih thu te, Mizorama Kohhran Inpumkhatna leh thawhhona chungchanga Seminar Paper Rev. Dr. H.Vanlalauva buatsaih chu a bua chhuah a nih tawh thu te tarlan a ni bawk.
Tun tum SEC-ah hian thu 92 lai rel a ni a. Heng zingah hian Synod Higher Secondary School-a Section hawn belh te, Kristian organization thawhpuite suma tanpui te, Mission Field-a in sak te, India ram khawpui liana Biak In hmun leina tur budget ruahman te, Synod dang nena partnership neih te, Synod Department thenkhat inkaihhruaina en that te, Kohhran Pavalai Pawl Inkaihhruaina en that te, Synod Hospital-a Nursing College hawn te a ni hlawm a. Presbytery atanga thu lut – Campus Ministry tihlen te, Synod Conference hman dan fimkhur zawka kalpui te, Mizoram Kohhran Hmeichhe Inkhawmpui Lian-a General Secretary ruat dan en that te, India ram khawpui hrang hranga Presbyterian Kohhran din a nih chhan Kohhranhote hnena chiang zawk a hrilhfiah rawtna te, Church of North India leh Church of South India te nena kan thawhhona tichak rawtna te, Zoram pawn Kohhrante Sawrkara in register phalsak ve rawtna te, Nupa chungchang Dan leh Kohhran Pawl dang nena inkungkaihna Dan bu a “Mo lawm chungchang” hi uar zawka inzirtir rawtna te leh a dangte a ni.
&&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?