Synod-in 11.7%-in budget khum

Aizawl: Mizoram Presbyterian Kohhran chuan tangka kum, 2017 – 2018  chhungin Synod-a budget hrang hranga sum luh dan luh dan a chhut chhuak fel a., budget hi head hrang hrangah a khum thei vek a, a pum puia budget khumna hi 11.87% a tling phak a ni.

Kum 2017 – 2018 chhunga Mizoram Synod-in Pastoral lama sum a hmuh zawng zawng hi Rs. 1,18,36,74,490/- niin budget chu Rs. 20,86,25,490/- (21.40%) laia khum a ni a, Mission lama  sum hmuh zawng zawng pawh Rs.90,71,98,112/-  niin Rs. 1,33,10,112/- (1.49%)-in budget an khum a. Kum 2017 – 2018 tangka kum chhunga Synod sum lut zawng zawng hi Rs. 2,09,08,72,602/- niin budget chu Rs. 22,19,35,602/- (11.87%) zetin a khum a ni.

Nikum 2016 – 17 chhunga Synod-a sum lut pawh kuminah hian nasa taka khum a ni a. Kumin chhunga sum lut tamna hi Pastoral lamah Rs. 16,36,71,588/- (16.05%) a ni a, Mission lamah pawh nikum sum lut aiin kumin chhunga sum lut tamna hi Rs. 10,60,20,752/- (13.23%) a ni bawk a. Nikum aia kumina sum lut tamna hi Rs. 26,96,92,340/- (14.81%) a tling phak ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?