Synod-in Chanchin Tha Thlen Ni hmang

Aizawl; Mizoram Presbyterian Kohhran chuan Zirtawpni khan Mizorama Chanchin Tha thlen ni champha an hmang a, Mizorama Chanchin Tha thlentu hmasa ber, Rev. William Williams-a chanchin an zir.
He ni hi Kohhran hrang hrangah hman niin Synod Office pawh khar a ni a. Kohhran tam ber chuan zan lamah he ni pual inkhawm hi an hmang a, zir tura ruahman sa, “Rev. William Williams-a chanchin” chu an zirho a ni.
Mizoram Synod-in Mizorama Chanchin Tha thlen ni atana hman tak, March 15 hi Mizorama Chanchin Tha puang hmasa bertu, Rev. Williams-a Mizorama a thlen ni champha a ni. Rev. Williams hi Khasi rama Welsh missionary a ni a, Mizote chanchin a hriatin Mizote zinga Chanchin Tha hril a duh a, Mizote zingah missionary ni tura a lo kal thei lo chungin Mizoram tlawh hram a tum a, Silchar DC remruatnain sipai ruala kalin Mizoram a lut a, Kutbul lui chhuahah a hmasa ber atan Mizote zingah Krista Chanchin Tha a rawn puang a ni.
Rev. Williams-a’n Mizoram a rawn thlen ni hi Mizoram Presbyterian Kohhran te chuan Mizorama Chanchin Tha lo thlen ni atan a hmang ta a ni.
&&&&&

Facebooktwittergoogle_plusredditpinterestlinkedinmail

Comments

Leave a Reply

This site uses Akismet to reduce spam. Learn how your comment data is processed.

Login

Lost your password?