Synod-in nakum zirlaibu tur tichhuakSynod-in nakum zirlaibu tur tichhuak

Aizawl; Mizoram Presbyterian Kohhran chuan kum 2018-a zir tur, Nilai leh Beihrual Thupui Bu leh Puitling Sunday School Zirlaibu chu a tichhuak ta. Heng lehkhabu pahnihte hi Mizo lehkhabu malkhaiah chuan copy chhut chhuah tam berte an ni a.

Puitling Sunday School zirlaibu hi copy 80,000 zet chhut niin, Nilai leh Beihrual Thupui hi copy 65,000 chhut a ni bawk. Kum 2018 hian Mizoram Presbyterian Kohhran chuan Puitling Sunday School-ah “Chronicles I & II hrilhfiahna” an zir dawn a. He lehkhabu hi Rev. Dr. Lallawmzuala ziah a ni a. He zirlaibuah hian zirlai 47 awmin phek 300-a chhah a ni a. Mizoram puma Synod Bookroom dawr zawng zawngah lei theih tura chhawp chhuah tawh a ni a, Rs. 100/- man a ni. Mizoram Presbyterian Kohhran Puitling Sunday School zirlaibu hi Mizoram Synod hnuaia Kohhran zawng zawngte zirlaibu a nih bakah Presbyterian Church of Myanmar (PCM) hnuaia Phai Synod chuan an zirlaibu atan an hmang ve nghal a. Presbyterian Church of Myanmar leh Mizoram Synod Partnership Agreement angin Mizoram Synod chuan kum tin copy 1000 chu a thlawnin a pe thin a ni.

Kum 2018 Nilai leh Beihrual Thupui zirlai thupui hi “Thuthlung Hlui leh Thuthlung Thar Inkar Thu” tih a ni a. Mizoram Synod Moderator lo ni tawh, Rev. Thangzauva ziah a ni a. Synod Bookroom dawr hrang hrangah Rs. 130/- a lei theiha zawrh a ni a, phek 307-a chhah a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?