Synod inbuatsaih nan board thu

Aizawl; December thlaa Mizoram Synod Inkhawmpui neih tur inbuatsaih nan tun lai hian Synod hnuaia committee hrang hrangte chu an thu hlawm a. Kar kal ta chhung pawh khan Synod Literature & Publication Board, Theological Education Board, Hospital Board leh Education Board te chu an thu hlawm a ni.

Meeting hrang hrang hi Rev. Lalzuithanga, Synod Moderator-in a kaihruai a. Thawhtanni khan Synod Office-a JM Lloyd Hall-ah Theological Education Board Meeting hi an thu a. Faculty mamawh belh chungchang te, ATC Faculty-te Pastoral Ministry-a Pastoral Ministry-a inhman chungchang te, ATC Budget estimate 2018-2019 te chu an sawiho langsar a ni.

Thawhlehni khan Synod Office-a JM Lloyd Hall-ah Hospital Board an thu a. 2018 -19 Budget ruahmanna te, Staff Nurse Apprenticeship training chungchang te, National Accreditation Board of Laboratory (NABL) Accrediation te, Aizawl West-I Area-a clinic hawn te, Dental Unit hawn te, Disaster Management Plan siam te, Medical Conference leh CME-a kal dan kaihhruaina te, Nursing College leh Nursing School hawn kawp te, Bio-Medical Waste Management te, John Williams Hospital hming thlak rawtna te leh HIV Policy on HIV Care te an sawiho.

Ningani khan JM Lloyd Hall-ah Hospital Board an thu a, 2018 -2019 Budget ruahmanna te, Teachers’ qualification siam that te, Teachers’ Training Policy mumal zawk siam rawtna te, Synod Higher Secondary School-a section hawnbelh te, Presbyterian English School (PES) Manual enthat dilna te, PES a Science kit dah rawtna te, P.C. Girls’ School tana project thar dilna an thlir ho a ni.

Zirtawpni khan SL&PB an thu a, meeting-ah hian Presbytery atanga thu lut, “Hruaina Eng bu chhuah tawh zawng zawng bu khata siam a, lei theih tura buatsaih ni rawh se,” tih te, kum 2018-19 Budget Estimate te thlir ho a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?