Thawhlehni zanah Praise On 2018

Aizawl; Mizoram Synod Information & Publicity Committee buatsaih, KTP Branch/Pastor Biala band intihsiakna tur, Praise On 2018 chu Zirtawpni zan khan Mission Vêng Kohhran Hall-ah Synod Moderator Rev F.Lalrinnunga a hlan a, Thawhlehni zan atang hian inelna tan a ni ang.

Synod Moderator chuan, “Bible hun laiin Pathian fak nân an hun laia an rimawi chhepchher neih zawng zawngte an hmang tih Sam 150-ah kan hmu a. Mizote pawh ramhuai biak nâna kan hman thin khuang chu chhuhsakin Biak Inah Pathian chawimawi leh biak nân kan hmang a, tûnlaia kan rimawi tum theih zawng zawng hmangin Biak Inah ngei pawh tûnah chuan Pathian fak turin kan hmang ta,” a ti a. “PRAISE ON-ah hian kan Kohhran thalaite thiamna hmangin Pathian ropui ber rawh se,” tiin tawngtaiin Pathian hnênah a hlân a ni.

Praise On 2018 hlanna inkhawm hi Organising Chairman Upa Zonunmawia’n kaihruaiin Central KTP Asst. Secretary leh Organising Asst Secretary Tual Upa Ricky Lalrammawia Raltein report pein inhmelhriatirna a nei a, Programme Secretary K.Lalruatpuia’n Host leh Judge tûr te inhmelhriattîrna a nei bawk.

Judge tûrte hi Upa Zothanmawia, Khatla; T.Upa Elijah Lalrinawma, Kulikawn leh T.Upa Richard V.L.Zara, Chawnpui te niin host tûr hi K.Lalrampani, Chanmari a ni.

Praise On 2018 hlanna inkhawmah hian Mizoram Synod Choir, Dawrpui Vengthar Praise On Group 2017 leh Praise On House Band 2016 ten hun hmangin Cindy Lalthanpuii, Tlangnuam a zai bawk a. Intihsiaka tel tur Branch aiawh 2 zêl an tel bawk.

Fakzai hun, Praise On 2018 hi Round 1 hi September 18 & 19, 2018 hian hman a ni dsawn a. Chawhma dâr 10-ah tan a ni ang.

Kumin intihsiakah hian 1-na hnenah Rs. 1,00,000; 2-na hnenah Rs. 50,000 leh 3-na hnenah Rs. 30,000 leh Trophy & Certificate hlan an ni dawn a. A ti tha zual 10 tan Consolation Prize a awm ang a, a remchan angin Special Prize siam a ni bawk ang.&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?