The Week That Was (August 19, 2018)

Silk zirna
Sericulture department-in NERTPS project hnuaia Silk Weaving Training an buatsaih batch thumna, thla hnih awh chu Thawhtanni khan Sericulture directorate-ah khâr a ni.

Lottery rules
August 13, Thawh?annia chief minister Lal Thanhawla hoa Secretariat conference hall-a Council of Minister ?hukhawm chuan, Mizoram Lottery Rules siam thar rawt­na an pawm.

Library day
Mizoram State Library bultumin Thawhtanni khan Central Library-ah Librarian Day vawi 8-na lawm a ni a, Art & Culture secretary Sangdingliana’n a hmanpui. Day thupui chu ‘A good book has no ending – knowledge for all’ tih a ni.

Remti lo
Ministry of Home Affairs (MHA) chuan, Mizoram Bru hruai kîr chungchanga inremna ziah a nih hnua Tripura relief camp-a Bru-ten thil phût an neih tharte chu tihhlawhtlin an remti tawh lo tih Thawhtanni khan an tarlang.

Kawng thuam
Lunglei district-a Cherhlun Branch YMA chuan Hnahthial leh Cherhlun inkar kawng chhhe lutuk chu Thawhtanni khan hnatlangin an thawm ?ha a, mi 300 vel an thawk chhuak.

Tractor hlan
Lawngtlai district-a custom hiring centre (CHC) pathuma leilet neituten an inhawh chhâwk theih tur, Sub Mission on Agricultural Mechanisation (SMAM) a?anga pek tractor leh hmanraw dangte chu Thawhtanni khan Lawngtlai DAO pisaah AH&Vety minister C Ngunlianchunga’n CHC-te kutah a hlan.

Ngen
NGO Coordination Committee (Joint NGO) hruaitute Thawhlehnia Central YMA Committee Room-a thukhawm chuan, Election official-te chu Mizoram páwnah inthlan kaihhnawiha kal lo turin an ngen.

H&W Centre
National Health Mission (NHM) hmalaknaa Chawlhhmun Urban Primary Health Centre-a Health & Wellness Centre din thar chu Thawhlehni khanHealth minister Lal Thanzara’n a hawng.

I-Day
August 15 hi India-in Britain laka zalenna a hmuh champha, Independence Day a ni a; Aizawl bakah, district headquarters tin leh civil SDO leh BDO ?huthmun khaw ?henkhatah hman a ni.

Complain
MNF ?halai (MNYF) vice president H Ramdinliana chuan Mara Autonomous District Council (MADC) huam chhunga village council inthlana vote chhiar ?hat leh chungchangah Thawhlehni khan Mizoram State Election Commission (SEC) commissioner L Tochhawng hnenah complaint a thehlut.

Ruihhlo hal
Excise & Narcotics department (END) chuan Ningani khan Aizawl Zoological Park, Lungverha Forest department incinerator-ah kum 2017 leh 2018 chhunga END-in ruihhlo an man ?henkhatte an hâl ral a; END secretary KT Beicho-a’n a hmanpui.

ILP zirtur
Mizoram Director General of Police (DGP) Balaji Srivastava chuan, Inner Line Permit (ILP) guidelines-ah him tâwk lo a awm em tih zir chiangtu tur Mizoram police-ah an inruat thu Ningani khan a sawi.

Police online
Inspector General of Police (Law and Order & Intelligence) LH Shanliana chuan Ningani khan Aizawl SP conference hall-ah thuthar thehdarhtute a kâwm a; Aizawl khawpuia police station-ah internet kaltlanga mipuiin complaint an thehluh theihna, Go-Live bun a nih tawh thu a sawi.

AB Vajpayee vui
Prime Minister hlui Atal Bihari Vajpayee chu Zirtawpni tlai dar 4 khan Rashtriya Smriti Sthal, Vijay Ghat-ah state chawimawina famkim nen vuiliam a ni a. A ruang hi Yamuna lui kamah halral a ni.

MPF meeting
Mizoram People Forum (MPF) chuan nimin khan Vanapa Hall-ah Annual General Meeting an hmang a; Mizoramah inthlanna thianghlim leh felfai a awm theih dan tur an sawiho.

MZP-in enfiah
Aizawl leh Mizorama khaw dang ?henkhatahte hnam dang dan loa awm, ILP nei lo leh Assam NRC-a chuang lo leh permit nei loa sumdawngte dapin ILP nei lo leh Assam NRC-a chuang lo, dan loa Mizo hming hawha sumdawng eng emaw zat hmuh chhuah an nih thu leh police hnenah an hlan nghal thu an tarlang.

PUC
Pachhunga University College (PUC) chuan Zirtawpni khan an college Multipurpose Auditorium-ah PUC kum 60-na champha, diamond jubilee an lawm a, Mizoram University vice chancellor Prof. KRS Sambasiva Rao khuallian a ni.
&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?