Thlai Thar Hlan Ni

Aizawl;?Vawiin hi Mizoram Baptist Kohhran ni pawimawh, ‘Thlai Thar Hlan Ni’ a ni a. Kumin thupui chu ‘Lalpa lawmtlak thilpek’ tih a ni a, thlai thar nei chhungkuaten an thlai tharte Pathian hnenah hlan turin Biak Inah an keng khawm ang a, Pathian ram rawngbawl nan hman a ni ang.

Thlai Thar Hlan Ni hi kum 1950 hma lamah atanga hman tan tawh a ni a, hun rei tak chu September Pathianni hmasa berah hman thin a ni a, hmun thenkhatah chuan Inrinni atanga hmangin ruai thehin Pathian faka zaikhawmin an hmang thin a, Thlai Thar Kût an ti hial thin.

September thla hi thingtlang hmun thenkhatah thlai thar chuai tawh lam a nih avangin kum 1993 BCM Assembly chuan August Pathianni hmasa bera hman turin a rel ta a ni.

A tirah chuan he mi nia pawisa tling khawm hi Headquarters-ah a lut thin a, kum 1984 Assembly chuan tualchhung puala dahin hetiang kalpui zel a ni ta a ni.

Tunlaiah khawpuiah phei chuan huan leh lo nei tam tawh lo mah se Mizoram Baptist Kohhran hian Thlai Thar Hlan Ni hi Special Sunday atan an hmang zui ta zel tho va. Thlai thar hlan tur nei lote pawh thinlung leh kan thil neih hlu dangte hlanna hun atan hmang turin an inngen a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?