Traffic jam free rally nei

Aizawl: Transport department bultumin nimin khan Mizoram Enfield Riders ten Aizawl traffic a thawl theihna tura mipui hrilhhriatna ‘Aizawl Traffic Jam Free Rally’ neih a ni.

Rally kharna inkhawm Transport Directorate office kawta neihah Aizawl Traffic Jam Free Rally Working Group Committee Chairman leh Addl. Secretary Home ni bawk Lalbiakzama chuan, “Driving rules hi mipuiin zawm tha ila tun ai hian traffic jam hi a ziaawm ngei ang,” a ti a. Kawng kual laia motor dah khap a ni tih hre reng chunga dah lui an awm thu sawiin hei hian traffic jam a thlen thin niin a sawi. Lalbiakzama bakah Aizawl Traffic Dy. SP K.Laltluangliana, AMC Councillor R. Lalbiakthanga leh I&PR Director David L.Thangliana ten thu an sawi bawk.

Chhinchhiah danin Aizawlah hian lirthei nuai 1.4 chuang a awm a, kum 2016 atang khan Co-ordination Committee on Traffic Management ten traffic management chungchang an lo ngaihtuah tawh thin a, Transport in hma la se tih niin motor neituten an motor dahna tur garage an nei vek tur tih thuchhuah siam a ni a, mi tam takin garage siam nan hma an la a, November 2017 khan garage siamna hun tiam a tawp ta a, December 1 atangin veng hrang hrangah kawng sira motor dah endik turin thawh chhuah tan a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?