Triau Trackx MV thar ‘1960’ ; November ni 21-ah release dawn

Naupang laka hursualna lama inzirtirna hla an tihchhuah hnuah, tunkar tharah hian Triau Trackx chuan an single video thar an ti chhuak dawn. An hla thar tur chu — 1960 — tih a ni.Naupang laka hursualna lama inzirtirna hla an tihchhuah hnuah, tunkar tharah hian Triau Trackx chuan an single video thar an ti chhuak dawn. An hla thar tur chu — 1960 — tih a ni.

Triau Trackx single music video thar tur title hi a danglam phian. Hetiang hi Mizo hlaah hian hmuh leh hriat tur a vang hle a. Engang takin nge an rawn tihchhuah dawn tih pawh hriat a ti chakawm tawh phian a. Triau Trackx chuan, “Duh leh lawm an awm ang a, duhlo leh helh fe fe pawh an awm ang,” tiin an sawi.

‘1960’ music video hi Triau Trackx hian November ni 21 hian an release dawn a. An tihdan phung pangngai angin, YouTube lamah an pho chhuak leh anga, a duh apiang tana en a, ngaihthlak theih leh download theih turin an chhawpchhuak dawn a ni.
Triau Trackx music video thar turah hian Mizorama mi hriat hlawh tak tak te an inlan dawn a, a video pawh hi anmahni inlakchawp deuh vek a ni dawn lehnghal. Professional videographer lam an ruai lem lo a, tunlaia kan music video thlir thin te nen chuan a lan dan pawh a hrang hlak dawn a ang hle. “Inrin loh deuh pawh an lang nawlh nawlh mai thei,” tia an sawi hnuah, Triau Trackx chuan Thalai Khawvel hnenah a lang tur zingah Daduhi hming an lam chhuak zauh a, kan rawn hrilh ru nghal zaih che u!

Champhai band hian nimin lawkah Child Protection lam nena tangkawpin, ‘Lu Koki’ music video an tichhuak tawh a. Hemi hnua an release leh hmasak ber tur chu ‘1960’ tih hi a ni. Hetihlai hian, Triau Trackx chuan ‘1960’ music video hi band anga an video release hnuhnung ber a nih dawn leh dawn loh an sawi thei mai lo.

Thalai Khawvel in an music video hnuhnung ber tur a ni em tih zawhna chhangin, “Ka sawi duh lo,” tiin fiamthu deuh takin Triau Trackx frontman Ramenga chuan a sawi.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?