Tripura Synod hawng dawn

Aizawl; Vawiin hian Presbyterian Church of India hnuaia Synod thar tur, Tripura Presbyterian Church Provisional Synod chu Noagang-ah hawn ni dawn.
Nimin kha Palai then kim ni a ni a, nizana Pathian biak inkhawmah Rev. Lalramliana Pachuau, Senior Executive Secretary leh PCI Moderator Elect ni bawk chuan Pathian thuchah a sawi.
Vawiin chawhmaa hawnna inkhawmah Rev. Laldawngliana, PCI Moderator-in inkhawm a kaihruai ang a. Rev. V.L. Luaia Hranleh, Sr. Administrative Secretary-in Tripura Presbyterian Church chungchang report a pe ang a, Rev. B.B. Lamin, Secretary Sr.-in Inhmelhriattirna hun hmangin Chairman-in Provisional Synod chu hawngin thuchah a sawi nghal dawn a ni.
Hawnna inkhawmah hian Tuidu Pastor Bial Zaipawl, Burburia Pastor
Bial Zaipawl leh Mizoram Synod Choir te an zai dawn a ni.
Chawhnu lamah vantlang Pathian biak inkhawm a awm leh ang a, Rev. Laldawngliana, PCI Moderator-in a kaihruai leh ang a. Rev. D.C. Haia, PCI Moderator lo ni tawh hnen atangin Pathian thuchah a sawi ang. Tuingoi Pastor Bial Zaipawl, Tuidu Pastor Bial Zaipawl leh Mizoram Synod Choir te an zai leh ang.
Zan lama Pathian biak inkhawmah Rev. Lalzuithanga, Moderator, Mizoram Synod-in Pathian thuchah a sawi ang a, Burburia Pastor Bial Zaipawl, Tuingoi Pastor Bial Zaipawl, Mizoram Synod Choir leh Noagang Kohhran Zaipawlten hla an rem ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?