Tuilakna tur hnathawk tlawh

Aizawl: Nimin khan Mizoram Pradesh Youth Congress Committee (MPYCC) chuan UD&PA hnuaia SIPMIU in Aizawl chawmtu tur tui lak Phase III thawh mek Tanhril, Mualkhang rama mi chu an tlawh.

MPYCC  President Dr. Lalmalsawma chuan, “SIPMIU te hnathawhna zara kum 2033 thlenga Aizawl khawpui chhunga tui mamawh tur pump chhuah a thlitfim theihna tur tui pump-na project thar awm hi a lawmawm hle a ni,” a ti.

Er. Valbuanga, Project Director, SIPMIU chuan, “Aizawl khawpui chhungah mipui 3,39,000 vel awm anga chhutin mipui tui mahmawh zat hi 54.64 MLD (Ni khata lire maktaduai 54.64) a ni a, kan mamawh kan phak lohna hi ni khatah litre maktaduai 20 vel a ni mek,” a ti.

Phase III Project hmang hian tui tam zawk lak belhna tur ruahman niin, he project hian kum 2033-a Aizawl khawpui mipui cheng mipui 4,45,000 chawm thei turin tui 37 MLD pump chhoh belhin mamawh a phuhru thei tawh dawn niin a sawi bawk.

Phase III thawhna contract amount chu Rs. 156.67 crore niin contractor-te chu M/s Eco Protection Engineers Pvt. Ltd. Chennai leh M/s AV Rambabu Infra Pvt. Ltd. Hyderabad te an ni a, May 2020-ah zawh hman beisei a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?