UPC Gen. Conference hmang mek

Aizawl; Ningani zan atang khan North East India UPC kohhran inkhawmpui lian, General Conference Vawi 49-na chu Lunglei District Hqrs Biak Inah hman a ni a, zaninah hian a tiak ang. Thupui atan hian ‘Inthawina Nung’ (Rom 12:1) tih hman a ni.

Conference thupui hi mi hrang hrangin an sawi dawn a. Ningani zan khan Rev. H.Chalchhunga, Former District Superintendent (Lunglei) chuan Conference hi a hawng a. Zirtawpniah Department pathum – General Missions, Sunday School leh PYD ten rorel inkhawm an nei a, nimin khan General Conference rorel inkhawm neih a ni.

Nimina rorelna sang ber, General Conference rorel inkhawm hi Chanmari UPC Biak inah neih a ni a, rorel member 352 an ni.
General Conference rorel inkhawmah hian Delhi khawpuia kohhran ram lei dan tur chungchang, Kolkata khawpuia Bengali Bible School din dan tur, Chawnghei tawngtai beihpui thlak, Tualchhung kohhrana Upa neih theihzat tihpun dan tur, Bial inkhawmpuia palai chungchang, Kohhran statistician te dinhmun leh mawhphurhna, Tualchhung kohhran Committee member tur siam leh Financial Year hmanlai tihdanglam rawtna chungchang te an ngaihtuah. Thu buatsaih lai hian chanchin kimchang kan hre hman lo a ni.

Rev. Lalmalsawma Sailo, General Superintendent chuan meeting a kaihruai a, General Secretary leh General Treasurer ten report an pe.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?