UPC Missionary Day

Aizawl; North East India UPC Kohhran chuan Thawhlehni khan Missionary Day an hmang a, Kohhran ni pawimawh a nih avangin Kohhran office, Bible college, bookstall, school leh hmun pawimawhte an khar vek a. Kohhran thenkhat chuan ruai nen he ni hi an hmang bawk.

 

Aizawl khawpui chhunga Tualchhung Kohhran tam zawk chuan he ni hi awmni khamin ruai nen an hmang dawn a. Khawpui pawn lam leh thingtlang Kohhrante erawh chuan zan lamah he ni pual hian hun an hmang thung.

 

North East India UPC Kohhran hian kum tin he ni hi urhsun takin an hmang thin a, hemi nia thawhlawm leh thilpek dangte pawh Missions rawngbawlna puala lakkhawm thin a ni.

 

North East India UPC Kohhran hian tun dinhmunah Missionary 174 a ruai mek a, Mizoram chhung bakah state pawn heng – Delhi, Kolkata, Arunachal, Assam, Upper Assam, Andaman & Nicobar, Bhutan, Dimapur, N. Bengal and Sikkim, Orissa-ah te rawngbawlna hna a thawk mek a ni.

 

Missionary Day hmanpui hian General hruaitute pawh hmun hrang hrangah an insem darh hlawm a. Rev. Lalmalsawma Sailo chuan Tuikhuahtlang Kohhranah hun hmangin Rev. R.Lalrinsanga’n Mualpui Kohhranah, Rev. Zohmingthanzama’n Tuikhuahtlang Kohhranah, Rev. R.Lalhawia’n Salem Kohhranah leh Rev. R.Laichhingpuia’n – ITI Kohhranah te an hmanpui dawn hlawm a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?