UPC Thalaite HIV/AIDS sawihopui

Aizawl; Mizoram State AIDS Control Society (MSACS) leh Mizoram UPC thalai, General PYD hnuaia Social Wing Committee-te IPR Directo­rate Auditorium-ah HIV/AIDS chungchang sawihona hun an hmang.

Sawihonaah hian Dr Zosangzuala’n mipat hmeichhiatna hman atanga HIV kai chung­chang sawiin, HIV/AIDS kai chhan tam ber chu mipat hmeichhiatna hman khawloh atangin a nih thu a sawi.

Young Women Chris­tian Association (YWCA) atangin Wendy Zodinpuii’n ‘Positive Sharing’ chung­chang a sawi a; HIV/AIDS-in mi mal leh chhung­kua a nghawng dan te, khawtlang leh ram leh hnam a nghawng dante sawiin, sawi thiang lo anga ngaih leh Pathian hremna ang hiala ngaih thin chu thlak a tul tawh thu a sawi.

FHI-360 project officer Robert Lalrempui­a’n damdawi hman khaw­loh pawizia leh chumi atanga HIV/AIDS kai an tam tawh dante leh invenna tur hrang hrangte a sawi bawk.

He sawihonaah hian Aizawla UPC tualchhung kohhran PYD hruaitu thahnem tak an tel a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?