UPC thalaiten an Day an hmang

Aizawl; North East India Unit UPC Thalai pawl, PYD Day chu Nilaini khan hmun hrang hrangah a lawmna hun hman a ni.Aizawl; North East India Unit UPC Thalai pawl, PYD Day chu Nilaini khan hmun hrang hrangah a lawmna hun hman a ni.

He ni hi Bial leh Local ten intihhlimnain hun an hmang hlawm a. Thenkhat chuan vantlang tana thawkin zun in siam thar leh siam that, bawlhhlawh bawm siama hmun remchang laia dah, khawlai thian fai leh work camp-a hun hmang an awm a. Thenkhat chuan circular tichhuakin chhiarchhuahna hun hman a  ni a, local thenkhatte chuan information technology hman dan chungchang inzirtirna hun atan an hmang bawk.

Kum 1969 khan UPC of India chu unit 2-ah then a ni a, North East India Executive Board hmasa ber chu March 21, 1969-ah meeting-in thalai pawl din nghal a ni a, hemi hma pawh hian tual chhungah ‘Pentecostal Conqueror’ tiin India ram pum rorelna pakhat hnuaia awm laiin din a lo ni tawh bawk.

North East India Unit-a din hnuah Pentecostal Youth Department tiin a hming thlak a ni a, PYD Day pawh kum tin March 21-ah awmni khamin hman thin a ni.

General PYD hian hna nasa takin a thawk a, NEI Unit hnuaiah hian project hrang hrang – Printing Press, Calvary Bible College, Audrine Scism Children Home, Kolasib, NEI Unit-a district hrang hranga Biak In sak tanpui te, Thlaraubo Sengkhawmna Crusade atan te, Missionary chawm leh Biak In saksak te, Youth Rally buatsaih, Kum tin Social Work Day hman, Environment humhalhana atana thingphun  bakah Kenya, Tanzania, Andaman Island, Inkheri, New Delhi leh Bangladesh-ah te tanpuina an pe a. Rawngbawlna zau zawk Deep Calleth Deep Conference Kuala Lumpur, Malaysia-ah leh Delhi-ah te neih a ni bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?