Valentine’s Day-ah Blood For Your Valentine

Association for Voluntary Blood Donation (AVBD) chuan kumin Valentines Day, February 14 (Nilaini) khian Mizo High School Hall-ah hmangaihte puala thisen pek hun, ‘Blood for Your Valentine’ an huaihawt leh dawn.
|

Association for Voluntary Blood Donation (AVBD) chuan kumin Valentines Day, February 14 (Nilaini) khian Mizo High School Hall-ah hmangaihte puala thisen pek hun, ‘Blood for Your Valentine’ an huaihawt leh dawn. Valentines Day puala thisen pek hi kum 2010-ah tih tan a ni a, buatsaih a nih tirh atangin Mizo thalaite’n an hlut hle a ni.

Kum 2012 atangin AVBD-in mumal lehzualin a buaipui a, kum tin buatsaih a ni chho ta a. Ni khat thil thua Mizorama thisen pek tam ber ni a lo ni chho ta thin a ni. Kuminah Valentines Day a lo hnai leh ta, he ni pual hian thisen pek runpui huaihawt leh a ni dawn.

Kumin bikah chuan AVBD chuan Music Domain Mizoram (MDM) an thawhpui dawn a, MDM lamin zaithiam thahnem tak a thawh chhuahpui dawn. Zaithiam lar tak tak an fuan khawm dawn a, miin thisen an pek laiin zaiin an lo awi thin dawn a ni.

Zaithiamte hian lawmman an beisei lo a, mi tlawmngaite’n phut let nei miah lo a thlawna thisen an pek chu an zaithiamna hmangin, a thlawnin mipui an lo awi ve thung dawn a ni.

Valentines Day Blood Donation hi chawhma dar 10-ah tanin, thisen pek tan theih a ni dawn a, chhun dar 12-ah inaugural function hman tur niin, Mizoram minister zinga hmeichhe awmchhun, Nl. Vanlalawmpuii Chawngthu khuallian a ni ang. Mizo thalai zawng zawngte thisen pe tura sawm kan ni a. ‘I kawppui nen emaw, i thiante nen emaw, nangmah chauh pawhin rawn kal la; thisen rawn pe ve la, mi dangte tan malsawmna rawn ni ve ta che.’

Host turte – Henry Varte, Nunui Rualhleng, Ruth CVL Muanpuii & Esther Sailo (Miss Mizoram 2017 runners up). Host te hian thisen pe apiang rose an lo pe zel ang.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?