Vawiinah nazareth lo thleng dawn

Scottish band hmingthang, kum 1968-a indin, Nazareth band hi TV leh YouTube lamah an zai ngaithlaa, en thei chauh kan ni thin. Mahse, April ni 11, 2017 kan dam thleng ang a, a takin kan hmu thei tawh dawn. Nazareth band chuan Aizawl-ah concert an rawn nei dawn tih a chiang ta.

Nizan lamah Polo Ground, Shillong-ah concert hlawhtling tak an neih zawh hnuah, vawiin hian Nazareth band member lokal turte chu Lengpui Airport-ah an rawn tum tawh dawn a. A vawi khatna’n Mizoramah show an rawn nei dawn a, India ram an rawn vawi hnihnaah an perform kan hmu thei dawn hlauh mai.

Kum 1988 khan India ramah Nazareth band hian show an rawn nei tawh a. India leilunga show chhinchhiahtlak tak an neih atanga kum 28 hnuah Aizawl-in a mikhual thei dawn ta a ni.

Nazareth band hi Mizote zingah a mikhual lem lo. An hla ‘hits’ thenkhatte phei chu cover a hlawh hle a. A bik takin — Love Hurts, Dream On, Place In Your Heart, Holly Roller, Broken Down Angel — tih hla te hi khawvelin an band hla a hriat tam tak zinga tlemte chauh an la ni. He’ng hla te hi Mizoram an rawn luhpui ngei rin a ni bawk.

Eric Martin-in Aizawl-a concert a rawn neihna — Tribal Art Centre, Tanhril chuan Scottish band hi a mikhual ang.
Ticket hi Rs. 800 man a ni dawn a. Vehicle pass pawh siam tum a ni. Chuvangin, 2-Wheeler leh motor eng emaw zat chu tualzawl hnaiah chhawp luh a theih ang.

Naktuk atangin concert ticket hi Y2Goal Agencies (Chanmari) leh Lawma Enfield (Sikulpuikawn) ah te lei tur a awm dawn a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?