Vawkte thih chhan zirchiang mek

Aizawl: Animal Husbandry & Veterinary (AH&Vety) department chuan Serhmun leh Serkawr a vawkte thih chhan an zirchiang mek a, a chhan dik tak la hriat theih rih loh thu Zalen an hrilh.

AH&Vety department hotute chuan vawkte thih chhan zir chiang turin Rapid Response team-te tirh an nih thu an sawi a. Tissue leh thisen sample-te lak a nih thu leh thenkhat chu thisen leh tissue lak tur mumal a lo awm tawh loh thu an sawi bawk. Heng sample awm ang ang hi laboratory-ah zirchian a nih dawn thu leh an natna thlentu chu hmuh chhuah tum a nih dawn thu AH&Vety hotute chuan an sawi a. An laboratory a tihtheih bak a awm a nih chuan College of Veterinary Sciences & Animal Husbandry, Selesihah Real Time PCR hmanga zirchian a nih tur thu an sawi bawk.

Serhmun leh Serkawr a vawkte thi te hi an natna lanchhuah dan chu kawthalo, luak leh awmna/khuh a ni a. Serhmun-ah hian Mamit district chhunga mi anih angin Mamit-a Rapid Response Team ten zirchianna an nei a. Serkawrah hian chhim lam a nih angin Southern Zone Rapid Response Team-te enfiah turin Lunglei atangin an kal bawk.

Tunah hian sample-te an dawng tan tawh niin AH&Vety hotute chuan an sawi a. Vawkte la dam zawng zawng hi damdawi pek vek an nih thu leh vawkte thihna hmun hi a hlat avangin an VC te kutah damdawi eng emaw zat an dah thu an sawi bawk. Vawkte thi hi tun dinhmunah a awm belh tawh rih lo nia thudawn a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?