Zemabawk Corps Biak In thar hawng

Aizawl; Commissioner Lalzamlova, Territorial Commander chuan Pathianni kalta chawhnu khan Falkland Venga Biak In sak thar chu hawngin Pathian hnenah a hlan a, Commissioner Nu-i, TPWM chuan Corps puitlinga puanna leh hlanna a nei nghal bawk.

Falkland Vengah hian April 2016 atang khan Cottage Meeting neiin bul an tan a, Territorial Headquarters chuan Biak In hmun hi leisakin Zemabawk Corps chuan Biak In hi anmahniin an sa a, Rs. Nuai 22 chuang leh tha tam tak senga sak zawh a ni a, YP Hall leh Biak In enkawltu Quarters pawh Biak In hnuaiah a awm tel nghal a. A chhung hmanrua leh a chung rangva chu mi mal thahnemngaiten an pek a ni bawk.

Falkland Corps hi Zemabawk Corps atanga indangin member 97 an awm a, Section hrang hrang hruaitu tur puanna leh Local Officer Commission hlanna Maj. Vanlalthanga DC Central North Division chuan a nei bawk a ni.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?