ZNP Thalaiin bâng turin CM an phut

Aizawl: ZNP Thalai chuan Chief Minister Lal Thanhawla chu kum 2013 MLA inthlanah affidavit dik lo a thehluh avangin bang turin an phut tih an sawi.”

Nimin khan Aizawl Press Club ah thuthar thehdarhtute kawmin ZNP Thalai President Lalmuanpuia Punte chuan Mizoram Chief Minister Lal Thanhawla chuan Kolkata Salt Lake-ah building, West Bengal sorkar Land Records-a a lan dan chuan Plot No. AI-178, 3228 Sq. feet a zau a nei reng chungin kum 2013 MLA inthlan dawna affidavit a siamah he thil hi a ziak tel lo niin a sawi a. Hetianga mahni thil neih (assets) thehluh kim loh emaw dik lova ziah, ‘False Affidavit’ hi The Representation of The People Act, 1951 Section 125 A in a sawi ang chuan Chief Minister Lal Thanhawla hian mipui leh sorkar a bum avangin Election Commission of India (ECI) chuan MLA a nihna atanga bantir (disqualified) theih bakah MLA chuh nawn thei lo tur thlenga hrem/action lak theih a ni tih a sawi a. “Kolkata-a a inhmun August 30, 2013-a register si, 2013 November thlaa nomination a file naa a ziak tel lo hi thil fel lo tak a ni a. Chuvangin ECI-in bang tura a tih hma ngeia MLA a nihna atanga bang thuai turin ZNP Thalai chuan kan phut tlat a ni,” a ti.

ZNP Thalai President chuan MNF pawh mipuite tan thlan tlak an ni lo nia sawiin Congress leh MNF te chu Mizoram lo suasam tawhtu an ni tiin anmahani chu hnawl a, Mizoram hmangihtu dik tak Zoram Peoples Movement kuta rorelna dah turin mipuite an sawm tih a sawi bawk.

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?