Zoram Sipai Pawl Ni

Aizawl; Salvation Army India Eastern Territory chuan Ningani khan khan kum 101 a tling ta a, Zoram Sipai Pawl Ni pual hian hun leh hmun hrang hrangah hun hman a ni.

IET-in kum 101 a tlin lawmna pual hian Headquarters, Biak In, zirna in leh mi mal in hrang hrangah Sipai Pawl Puanzar zar a ni a, zingkarah Pathian hnena lawmthusawina neih a ni bawk.

Territorial Headquarters-ah chuan THQ-a thawk officer-ten Commissioner Lalzamlova, Territorial Commander hovin THQ Office chungzawlah lawmthu sawi tawngtai rualna hun an hmang a.  Division, Corps leh Society hrang hrang chuan mi dangte tana malsawmna ni atan hmangin a thlawna thisen pek te, ei tur a thlawna sem te, mamawhtute tana a thlawna bus service-tir te, damdawi in leh social institution tlawh te, Pathian thuziak sem leh khawtlang tana thil tha tih nan nilengin hun an hmang hlawm bawk.

Zan lamah Corps hrang hrangten Pathian hnena lawmthu sawi inkhawm an Biak In theuhvah an hmang bawk.

Salvation Army hi July 2, 1865 khan Methodist Pastor William Booth-an a din a ni a, Founder General a ni nghal a. India ramah hian September 19, 1882 khan Booth Tucker (Fakir Singh) chuan a din a, Mizoramah hian L. Kawlkhuma chuan April 26, 1917 khan a din ve ta a. Nikum khan an kum 100-na, Centenary pawh ropui takin an lawm a ni.&&&&

Facebooktwittergoogle_plusredditpinterestlinkedinmail

Comments

Leave a Reply

Login

Lost your password?